لك وحشة...يا نور عيني عن الناس

لك وحشة ٍ يانور عيني عن الناس

ولك لهفة ٍ عطشى وترجي حنينك

يسكن غلاك القلب كله والاحساس

تنطق شفاي الوجد لاشفت عينك

زاهي بقربك شامخ ٍ رافع الراس

كني ملكت الكون في وجنتينك

ماللحزن في طلة الزين مجلاس

خذت الغلا برضاي واصبح سجينك

اشرب غلاك اليوم عطر ٍ من الكاس

كاس الموده والغلا في يمينك

اجمل هدايا الكون قلبك والانفاس

كنه سحاب ٍ ماطر ٍ فوق زينك

لك كل مافيني وقدرك على ساس

ولك عمري الحاضر ولذة سنينك

في حضرتك طاب الشعر دون هوجاس

ينثر عبير الشوق بيني وبينك

جزاكي الله خيرا

» هل يهمــك .......................كلام الناس ماذا يمثـــل لك .......... كلام الناس؟؟؟؟
» المبدع عبد الفتاح عوينات في كليب... عيني ...
» الناس عطوورر
» بدك تفقع الناس
» رضا الناس غاية لا تدرك