أنا قلبي عنيد ...

انا كنت الطفلة اللي بتحبي

على كف ايديك

انا كنت النونو اللي ف روحك

والنور ف عينيك

انا كنت الضي ف قناديلك

والنغمة الحلوة ف مواويلك

عصافير الحلم اللي ف ليلك

بتطير حواليك

ازاي النونو اللي ف روحك

عاوز ترميه؟!

ازاي الحلم هتقسى عليه؟

بتلم ستاير ايامك وتروح لبعيد؟

بتسيب الطفلة اللي بتحبي

مع جرح جديد؟

لو كنت حتقدر ع الترحال

انا قلبي عنيد

الطفلة هتكبر من غيرك

هتغيّر نغمة مواويلك

وتسيبك تايه ف طريقك

بتدوّر على شمس تدفيك

الطفلة هتكبر وهتقدر

الجرح ترده بجرح اكبر

ونهار ما الحلم هيتفسّر

مش هيكون ليك

ارحل لو كان بُعدك يرضيك

لكن وحياة رحمة قلبي

أنا بدعي عليك

..........................

الله يعطيك الف عافية ع مجهودك الطيب

تسلمي همسات الدموع
على ردك الحلو

دمتي بود همس القلوب

» من هو يا قلبي
» و يَئِنُ قلبي
» هذا قلبي متهمٌ بين يديك ،،،
» يا خي قلبي موجوووووووع ...
» زهرة قلبي ......