آه منك يا توجيهي

اه اه اه منك يا توجيهي
اه اه اه منك يا توجيهي


الكل قاعد حوليك جنبك فوقك وبين ايديك
وبقولولك يلا ادرس

بكرا بتجيب معدل بتنجح وبتجيب الاول
وبتدرس احلى تخصص

ادرس لا لا تتكاسل شوف ابن عمك باسل
لا طالع ولا نازل نحت الكتب مش هيك

يا ناس ارحموني بحكيلكم افهموني
لا لا لا تظلموني هي الحياه مش هيك

رياضيات مش فاهم فيزياء ابو المظالم
الله على كل ظالم حط اسئله زي هيك

انجليزي صرت كريزي مش فاهم انا ليزي
صرت احكي عربيزي كإني ابن البيك

ولا عربي وقواعد رح صفي بالبيت قاعد
نسيوا اني مجاهد والاسئله زي هيك

احبس حالك بالغرفه انسى الدنيا والألفه
والمقلوبه والكبسه وصحابك حوليك

يقطع ابو المدارس ومعلم وطالب ودارس
ضربونا بالمكانس وقالوا لا لا مش هيك

والوزاره جباره ترمي اسئله بحجاره
وتصيدنا بالسناره وبتحكولنا ليش هيك

اي بدي اطق وافقع وارمي حالي بالمدفع
واللي مش سامع يسمع بس لو تعطونا بريك