لللــيــلــة خطبتها بقلم الشاعر سائد شيوخي

اللــيــلــه خــطــبــتــهــا

كانت بعيني أميرة ..

لا والله وأحلى من أميرة ..

كانت أسراري وحياتي ..

وجـُوّى روحي كان مكانها .. حُضورها يروي الصحاري ..

وغيابها .. رحيل الشمس بغيابها ..

سُبحان من صَور رمش الليالي السّاكن بعيونها .. يا الله سُـود الجدايل لمـّا الليل يرخي كلامو عا شعرها ..

والعيون .. كيف أوصف ..

لون العسل بعيونها .. بس الليلة سـَفرها ..

بس الليلة عن عيوني رَحيلها .. لملمت عُمري مَعاها ..

عـِدّي عَ إيدك وإوعي تكوني نسيتي دمّي اليجري بوريدك ..

إوعي تكوني نسيتي حنيني ودفا إيدي وسنيني الكانو عبيدك ..

يا دنيا الليله خطبتها يا دنيا .. يا طـُلبتها .. يا زعلها ..

يا حَر الكلام بشفايفها .. يا نظرها .. يا لمستها ..

يا ليلتها الأمرّ من المـَرار ليلتها .. يا ذاك اللي غرّب أحلامي وسَرقها ..

يا عُمري وين الوعد .. وين العهد .. وين الوفا ..

وين الغرام اللي بليلة خطبتها إختفى .. يا خطبتها ..

يا خطبتها .. يا خطبتها .. يا قلبي اللي بنار تلبيس المَحابس إنكوى ..

زغاريد تعلى ببيتها تموتني إذا أسمعها .. جنون هالليلة ما يشبه جنوني ولا يشبه جنونها ..

يا حَسرتها .. مع كل زغرودة .. تعلى صَرختي وتعلى صَرختها ..

مع كل زغرودة تزيد جوّى روحي طعنتها .. يا خطبتها ..

يا عُمري .. يا بعد عُمري .. آنا عندك بروحي وعيني عندك بنظرها ..

أمشيلك على شوك الليالي حـَفى .. أرفضي العالم وإرجعي للحبيب اللي بعُمرو ما عرف الجـَفى ..

أرفضي نار الخـُطوبة وهذا صَدري جنـّة هـَنى .. يا أنا ..

يا عُمري وعُمر عُمري أنا .. أرضي إنتي والسـّما ..

وإنتي العبير وإنتي الهوى .. وآنا دَمعك لو رمشك بكى ..

يا الله .. يا الله .. يا الله .. موّت شوقي ونبض القلب لو فكــّر مرّة ينادي بغير إسمها ..

يا حُضورها .. يا غيابها .. يا حلاوة الموت إذا تصيبني سهامها ..

يا دنيا دوّارة .. إلهي بدعوة مِنـّي ترجـّعها .. يا خطبتها .. يا خطبتها ..

يا خطبتها .. هذا اللي طلب يدّها .. وهذا اللي رفع كـَفـّو ودعى ..

وهذا اللي كتب كتابها .. وذاك اللي بارك بخطبتها .. يا عُمري ..

عرفو حلوتها وما درو بمُرتها ..

شربو عُمرك بكاسات عُمري وسقوني بكاس الوداع دموعها ..

يا مكتوب على جبيني البـِعاد ومكتوب عَ جبينها .. يا تعبها ..

يا بعادها .. يا فراقها الأصعب من غربة سِجن فراقها ..

روحي يا بعد روحي .. روحي .. هاذا إسمي عندك وعندي إسمها ..

روحي يا عُمري الله يهنـّي إيامها .. الله يهنـّي إيامها ...

الله

يهني إيامها .. يا رب ..

هني إيامها ..

راااااااائعة شو هالمناسبة يا همسات

ويسلموووووووووووو

ههههههههه
والله ما في مناسبة ولا شي
عجبتني كلماتها فقط

سائد رووعه كلام والقاء

كان ححطيتي شي بصوتو

ع العمووم يسلموو وكلمات بتجنن

يسلمهن

على هيك مشهور الشاعر
انا اول مرة اسمع باسمو

هاد شاعر خليلي
وصوتو بالقاء الشعر رووعة

يعني في شعراء عنا بفلسطين رائعين

اكييييد

سائد ما أروعه ولا أروع قصائده
وصوته أروع في إلقاءها

يسلمووو همسات الدموع

الله يخليكي

نهار بتعرفيه هادا الشاعر؟

هي نهار كمان بتعرفو

يلا منيح
الله يستر ما تكون تشارك ببرنامجو كمان ههه

يعني انتو بتشاركوا

انا لا
بس مستمعة

كل العيلة مستمعة ما في حدا بيشارك

اه بعرفه كنت اسمعله عراديو مرح اللي بالخليل

يعني مرح كان يصل لغزة

مرح أقوى راديو كان يصل لغزة كنت 24 ساعة فاتحاه

اها .. اول مرة اسمع فيه

هههههههه معلش احنا مجربين كل شي
انت خليك عالاقصى وبكفيك :P

نعمة

يلا منيح
بس كان برنامجو ع راديو الحرية كل اثنين
واظن بدو يرجع ع المرح سمعت

نعمة ..... طيب بوسها وحطها عالحجر ههههههاي

شكلي فايقة عالاخر

اه رح يرجع عالمرح

احنا بانتظاروا

» البوم إنتي القصيدة لشاعر سائد الشيوخي
» في ذكرى الياسين :بقلم براء نزار ريان
» الحمار المفكر والحمار الشاعر
» حنين البادية - الشاعر الشيخ سامي ابو فريح